LAOAG CITY – Naburak ti agtawen ti 44 a fitness influencer iti Boston ti Guinness World Record babaen ti panagtaray na iti 100 miles iti treadmill iti uneg ti 12 nga oras, 47 a minuto ken 10 a segundo.
Naartapan ni Ashley Paulson, ti trainer para iti fitness app iFIT, ti sigud a rekord iti nasurok laeng a maysa nga oras.
Inbatad ni Paulson a ti sumagmamano a tawen nga inur-uray na daytoy a gundaway aglalo ket paggugusto na ti agtaray ken adon dagiti nakipasetan na nga ultramarathons.
Innayon na a daytoy met ti rason no apay a dakkel ti namnama na a maburak na ti dati a rekord iti treadmill.
Maibasar iti pagannurutan, mabalin ni Paulson ti aginana uray mamin-ado a daras ngem ti oras ket agtultuloy nga isu ti pagibasaran maburak na ti dati a rekord.
