LAOAG CITY – Naburak ti dati a college track star ti Guinness World Record kalpasan a nagtaray iti milya iti uneg laeng ti 4 a minuto ken 17 a segundo kabayatan ti panangiduron na iti anak na a babai iti stroller.
Ni Stephen Biebelhausen, dati a runner iti Miami University idiay Ohio, ket nagtaray iti Guardian Mile iti intero a Cleveland’s Hope Memorial Bridge kabayatan ti panangiduron na iti balasang na a ni Blake, a nakalugan met iti stroller.
Nalpas ni Biebelhausen ti panagtaray na iti uneg ti 4 a minuto ken 17 a segundo, naartapan na ti dati a rekord ni Silas Frantz, a nagpaot met ti 4 a minutoken 26.29 idi Hunyo 2025.
Inbatad ni Biebelhausen a saanna pulos nga inpagarop a makagun-od ti world record aglalo ket kadwa na a mismo ti anak na.
