LAOAG CITY – Sinuspenso manen ti Energy Regulatory Commission (ERC) ti panangsingir ti P0.0371 iti kada kilowatt-hour a Green Energy Auction Allowance (GEA-All) charge para kadagiti billing month manipud Setiembre agingga Disiembre 2026.
Maipalagip nga immunan a sinuspenso ti singir para iti Mayo ken Hunio ken inyalud-od daytoy iti Hulio ken Agosto.
Ti Green Energy Auction Allowance (GEA-All) ker regular a singir kadagiti consumer nga us-usaren tapno mapondoan ti bayad kadagiti renewable energy developer a paset iti Green Energy Auction Program ti gobierno.
Basar iti Energy Regulatory Commission (ERC) a addan iti sumurok P556.9 million ti nabatbati a pondo ti Green Energy Auction Allowance (GEA-All) idi Agosto 5.
Kunada nga umdas daytoyen a pondo tapno masungbatan ti maipagarup a kada bulan a bayadan kadagiti kualipikado a renewable energy developers nupay adda tallo a baro a planta a namnamaen a makastrek iti programa.
Gagem ti suspension a makatulong kadagiti pamilia a makapaspasar iti nangato a presio dagiti magatang ken sabali pay a magastos.
Dinutukan ti Energy Regulatory Commission (ERC) dagiti distribution utility, retail electricity supplier ken National Grid Corporation of the Philippines a siguradoen nga awan Green Energy Auction Allowance (GEA-All) charge kadagiti billing statement iti panawen ti suspension.
Kabayatanna, nagballag ti Energy Regulatory Commission (ERC) a mabalin a patawan ti show cause order ken dadduma pay a pannusa dagiti collection agent a saan a sumursurot iti pagannurotan.
