LAOAG CITY – Nagbayad ti maysa a babai idiay San Francisco, California ti $30 para iti maysa a humanoid Robot manipod Tau Robotics a nagdalus iti apartment-na iti maysa nga oras.
Iti video post ni Gianna Capezio, makita nga inaramid ti robot iti sumagmamano a trabaho iti pagtaengan kas iti panagsimpa iti kama, panagdalus iti banyo, panag-vacuum ken panagpunas ti kitchen counter.
Nupay kasta, saan daytoy nga autonomous gapu ta patpatarayen ti maysa a Tau Robotics operator.
Segun ken ni Capezio, nabunbuntog ti robot ni ikumpara ti tao ngem naaramidna met a nasayaat dagiti ubrana ken awan ti nasken nga uliten na.
Kabayatanna, agduduma ti reaksyon dagiti netizen no sadinno nga adda iti nangdillaw a nabuntog iti panaggaraw ti robot idinto a ti dadduma ket madanagan iti possible nga epekto dagiti robot kadagiti trabaho a masansan nga araramiden dagiti tao.
