LAOAG CITY – Tingtingitingen ti Land Registration Authority (LRA) ti nagrugian dagiti sumagmamano a naduktalan a land title a saan a bumaba iti 38.83 nga ektarya dagiti iligal a ni-reclaim nga area iti paset ti Laguna Lake a sakupen ti Taguig City a nakabasar kadagiti materyales nga indasar ti Land Registration Authority (LRA).
Basar iti immunan nga impormasion, inbatad ni Lacson a dagiti original certificates of title wenno OCT ket nai-isyu babaen iti judicial/ordinary land registration bayat a dagiti dadduma pay ket babaen iti homestead patents.
Inpetteng ni Lacson a mabalin nga ideklarar a void ab initio (awan serserbina) dagiti titulo no rinugian ti Philippine Reclamation Authority (PRA) ti forfeiture proceedings a nakabasar iti paglintegan.
Gapu iti daytoy, segun ken ni Lacson, tingtingitingenen ti Land Registration Authority (LRA) ti materyales a naggapu iti Land Registration Authority (LRA) tapno maamoan no adda nai-isyu a titulo ti daga para iti na-reclaim a paset ti Laguna Lake.
Malaksid iti daytoy, inpanagetget pay ni Lacson a sumagmamano kadagiti crate a dokumento manipud iti Department of Public Works and Highways (DPWH) nga adda pakainaiganna kadagiti naanomalia a proyekto iti Taguig City ket naikeddeng a mai-turn over iti Office of the Ombudsman.
