LAOAG CITY – Inbatad ti aktres a ni Marian Rivera a napateg a maisuro a nasapsapa kadagiti annak maipanggep iti usto a panangimanihir ti bukod a kwarta.
Nupay kasta, inadmitir ni Marian a saanda pay a naikkan iti gundaway iti asawa na a ni Dingdong Dantes a nangkasarita kadagiti annak da nga isuda Zia, agtawen ti 10 ken Sixto, agtawen ti pito, tapno maaddaan ti seryoso a panagsasarita maipanggep iti kwarta.
Segun ken ni Marian, saanda pay a pinaiggaman ti kwarta dagiti annak da, ken no adda man ti kayatda a gatangen ket masapol a pagbannugan da nga umuna sakbay nga ipaayda.
Inlawlawag ni Marian a no adda ti banag a kayat a gatangen da Xia ken Sixto ket masapol nga adda ti aramiden da nga umuna a trabaho iti uneg ti balay.
Patien ni Marian a disiplina ti pundasyon tapno masursuro iti panangimanihir a nasayaat ti bukod a kwarta.
