LAOAG CITY – Ad-adda a paigetan ti Department of Education (DepEd) ti kampaniana kontra iti bullying, harassment, ken pammutbuteng kadagiti pagadalan.
Daytoy ket iti babaen ti DepEd Order No. 006, series of 2026 wenno ti Guidelines on Ensuring a Safe and Motivating Learning Environment.
Iti pannakitinnulong ti Philippine National Police (PNP), Department of Social Welfare and Development (DSWD), ken local government units (LGUs), ipatungpal ti Department of Education DepEd ti nainget a Zero-Tolerance Policy kontra kadagiti aglabsing iti uneg ti kampus man wenno online.
Segun iti DepEd, ti Child Protection Committee ti tunggal pagadalan ti mangimaton iti panagimbestigar kadagiti insidente tapno masigurado ti proteksion ken psychosocial support kadagiti biktima.
Kabayatanna, nailanad metten dagiti nainget a dusa depende iti lebel ti panaglabsing.
