LAOAG CITY – Naiget ti koordinasyon ti Department of Health (DOH) ken dagiti local health officials tapno maamoan dagiti komunidad a masansan wenno kanayun a malayos a mabalin a pakaapektaran dagiti umili ti sakit a leptospirosis.
Malaksid iti daytoy, agtinnulong pay ti Department of Health (DOH) ken dagiti local health officials iti panagibunong ti doxycycline, ti agas para iti leptospirosis, kadagiti tattao a kanayun a maiyuper kadagiti maum-ummong a danom gapu iti inaldaw nga aktibidad da.
Iti interview, inrakurak ni Health Secretary Edwin Mercado a binilin na dagiti staff ti Department of Health a makikoordinar kadagiti barangay health workers tapno alisto a maestablisar dagiti tattao a kanayun a magnagna kadagiti kadanunam ken maikkan da ti doxycycline.
Inadmitir ni Mercado a ti panagturong paylaeng iti barangay health center wenno panagala ti prescription for doxycycline manipod kadagiti doctor ket narigat ket time-consuming.
