LAOAG CITY – Umboten iti 35 ti bilang ti bangkay a narekobre iti nauram a MV June Aster iti Coron, Palawan.
Basar iti Philippine Coast Guard (PCG) spokesperson Commodore Noemie Cayabyab a nadiskubre dagiti bangkay kalpasan a nasebseban ti uram iti barko.
Intaray iti port ti Borac iti Coron, Palawan dagiti bangkay a karga ti BRP Cape Engaño.
Immunan iti daytoy ti pannakarekobre ti lima a bangkay a nakumpirmaran a natay ken 43 ti nasalaknib.
Maipalagip a nauram ti barko ti rabii iti Mierkoles, Setiembre 9 iti kabaybayan idiay Coron, Palawan.
Kabayatanna, agtultuloy ti pannakaisayangkat ti search ang retrieval operations dagiti otoridad kadagiti pasahero a naideklerar a mapukpukaw.
