LAOAG CITY – Naglikudan ni Presidente Ferdinand “Bongbong” Marcos Jr. a maysa nga ‘staged drama’ laeng ti pannakaarestar iti kasinsinna a ni dati nga House Speaker ken Leyte Rep. Martin Romualdez mainaig iti kontrobersial a P7.4 billion a plunder case.
Segun iti Presidente a dagiti sayangguseng a drama laeng ti napasamak a pannakaarestar ket paset laeng dagiti politikal a panagatake kontra iti administrasionna ken saan a mangiladawan iti aktual a proseso ti agturay iti korte.
Maipalagip a naarestar ni Romualdez kalpasan a nangiparuk-at ti opisial a warrant of arrest ti Sandiganbayan basar iti kaso nga inpila ti Office of the Ombudsman.
Iti agdama, agtalinaed daytoy iti Philippine General Hospital para kadagiti independent medical examination kalpasan nga inyakar manipud iti Cardinal Santos Medical Center.
Nupay kasta, inpetteng ni Interior Secretary Jonvic Remulla a saan pulos nakibiang ni Marcos iti nagbalin a panangarestar iti dati a nangidaulo ti Kamara.
Nagpudno daytoy a nasakit para iti Presidente iti napasamak gapu ta asideg ti dua iti maysa ken maysa ngem inlawlawagna a paset daytoy ti kasapulan a tungpalen ti responsibilidad ti gobierno ken ti panangipatungpal ti linteg.
