LAOAG CITY – Inlawlawag ti beterana a komedyante a ni Ai-Ai delas Alas a saanna a pinadeportar ti dati nga asawa na a ni Gerald Sibayan idiay Estados Unidos.
Inbatad na a saanna pulos a pinanunut a paideportar ti dati nga asawa na kalpasan a nagsina da gapu ta saanna a kayat a makaunget kenkuana ti Diyos.
Segun ken ni AiAi, ti laeng inaramid na ket inpa-revoke ti green card wenno ti Permanent Resident Card ni Gerald iti Amerika.
Inrakurak daytoy ti komedyante kalpasan a nagkomento ti maysa a netizen nga inpagarop ti kaadoan a pinadeportar na ti dati nga asawa na gapu iti panangisina na kenkuana, addan sumgmamano a tawen ti napalabas.
Immunan nga inpasingked ni AiAi a saan nga apektado iti panagkallaysa manen ti dati nga asawa na idiay Amerika gapu ta ninamnama nan daytoy nga isu ti aramiden ti lalaki kalpasan a nakisina kenkuana.
