LAOAG CITY – Mabaayaban ni Davao Mayor Baste Duterte iti Senate Impeachment Court iti babaen ti subpoena kageddan ti panagkiddaw ti prosecution panel.
Manamnama a sumango ni Mayor Duterte inton Setiembre 23, mainaig pay laeng iti Article 2 wenno ti saan a mailawlawag a kinabaknang ken saan nga umiso a deklarasion iti Statement of Assets, Liabilities, and Net Worth (SALN) ni Bise Presidente Sara Duterte.
Sumango ni Mayor Baste mainaig kadagiti transaksion nga inserrek ti City Government of Davao City kadagiti sumagmamano a korporasion nga adda pakainaiganna ken ni VP Sara.
Kabayatanna, naipaulog pay ti show cause order (SCO) kontra iti maysa a kameng ti house prosecution panel ken maysa a private prosecutor gapu iti panaglabsingda iti rule 18 wenno sub judice rule ti impeachment court.
