LAOAG CITY – Inikkan ti Department of Transportation (DOTr) ti maysa a bolan ti Land Transportation Franchising and Regulatory Board (LTFRB) tapno desisyonan ti kiddaw a maipangato ti sweldo dagiti transport group.
Segun ken ni Transportation Secretary Giovanni Lopez, napateg a mangiparuk-at ti Land Transportation Franchising and Regulatory Board ti desisyon intono bolan ti Oktubre gapu iti agtultuloy a panagngato ti presyo ti langis iti pagilian.
Kasapulan met nga itultuloy koma ti Land Transportation Franchising and Regulatory Board ti mangiyuswat ti panagdengngeg iti petisyon kabayatan ti panangtingiting ti gobierno ti sumagmamano a wagas tapno matulungan dagiti transport sectors.
Inlawlawag pay ni Lopez, a napateg a maaddaan ti panangbalanse no sadinno a kasapulan met a kitaen ti pagsayaatan dagiti commuters no maaprubaran ti pannakaipangato ti plete.
Inpanakkel pay ni Lopez nga inpangato ti gobierno iti P12 iti kada litro ti fuel discounts dagiti pampasahero a transportasyon wenno makainot ti P1,800 iti kada lawas.
