LAOAG CITY – Mangipila ti Department of Foreign Affairs (DFA) ti diplomatic protest kontra iti China mainaig iti maipagarup panagpaputok ti flares ti People’s Liberation Army iti maysa nga unarmed Philippine Coast Guard (PCG) aircraft a manarimaan a mangiwaywayat ti Maritime Domain Awareness flight-da iti Kalayaan Island Group bayat iti insidente.
Segun ken ni Misamis Occidental 2nd District Representatives Sancho Fernando Oamil, ururayen pay laeng ti Department of Foreign Affairs (DFA) ti detalyado nga incident report sakbayda a mangipila ti naan-anay a protesta.
Gapu iti daytoy, ginutigot met ni Philcea Party-list Representative Presley De Jesus ti DFA ti panangipilada ti agsina a reklamo mainaig iti note a naiyawat ken ni Defense Secretary Gilberto Teodoro Jr. bayat nga agsarsarita daytoy iti Seoul Defense Dialouge idiay South Korea mainaig iti saan a panangakseptar ti China iti West Philippine Sea Arbitral Award.
Inpetteng ni Oamil a masapol a resolbaren ti agsinnumbangir a posision ti nasao nga isyu babaen kadagiti diplomatic channels a nakabasar iti courtesy ken professionalism kadagiti international engagement.
