LAOAG CITY – Immapela ti Department of Transportation ti kanayonan a pondo tapno maituloy ti panangibunong ti fuel subsidies kadagiti operators ti agpasada a behikulo gapu iti agtultuloy a panagngato ti presio ti produkto petrolyo.
Basar ken Transportation Secretary Giovanni Lopez a napateg a maaprubaran ti Kongreso ti P5 billion a budget proposal-da para iti panangibunong ti fuel subsidy.
Iti agdama a fuel subsidy ket gapu iti saan nga agsardeng a panagngato ti presio dagiti produkto a langis iti sangalubongan.
Maipalagip a naisayangkat ti Department of Transportation ti panangibunong ti fuel subsidy kas tulong kadagiti transport group a naapektaran ti panagngato ti presio ti langis iti pagilian.
