LAOAG CITY – Inwaragawag ti Estados Unidos ken Denmark ti katulagan iti seguridad iti Greenland tapno masolbar ti diplomatic dispute gapu ti pangta ni President Donald Trump a pwersaen na a gun-oden ti lugar.
Inbatad ti North Atlantic Treaty Organization a ti katulagan ket makatulong a mang-stabilise iti rehiyon.
Daytoy ket kalpasan nga inrakurak ni Trump a pinatgan ti Denmark ti kalikagom ti Estados Unidos a mangipaay ti seguridad ken dadduma pay a kasapulan ti rehiyon iti semi-autonomous Danish territory iti Arctic.
Silulukat met dagiti lider iti Denmark ken Greenland para iti katulagan ken manamnama a mapirmaan daytoy iti sumaruno a lawas, ngem saanen a naidetalye ti dadduma a linaon na.
