LAOAG CITY – Agsagsaganan ti White House para iti ibibisita ni Chinese President Xi Jinping.
Manamnama a personal daytoy a sabaten ni United States President Donald Trump idiay Andrews Air Force Base a mapasarunuan ti welcoming ceremony idiay White House.
Malaksid iti daytoy, karaman ditoy ti military flyover ti 500 military personnel.
Mainaig iti daytoy, ti ibibisita ni Xi idiay United States ket ti kaunaan a gundaway iti uneg ti dekada ken daytoy ti maika-tallo a panagkitada ken ni Trump sipud iti maika-dua a terminona iti opisina.
Kabayatanna, sumagmamano kadagiti manamnama a pagsaritaan dagiti dua a lider ket ti Artificial Intelligence, trade ken ti isyu idiay Taiwan.
Malaksid kadagitoy, manamnama pay ti panangipalawa dagiti dua a lider ti US-China trade agreement a naaprubaran idi naudi a tawen nga agleppas inton Nobiembre.
