LAOAG CITY – Inbatad ni Dr. Noel Reyes, medical center chief to National Center for Mental Health a rumbeng ti panagatendar dagiti nataengan kadagiti mental ken emotional well-being dagiti ubbing, aglallalo kalpasan ti maysa a traumatic incident.
Daytoy gapu iti tallo nga school shooting incident iti naglabas a bulan.
Kunana a normal kadagiti estudiente a mabuteng, ma-confuse ken makapasar ti sleep disturbances kalpasan ti maysa traumatic incident.
Mainaig iti daytoy, adda dagiti psychosocial interventions a makatulong kadagiti menor-de-edad.
Kabayatanna, basar iti Department of Social Welfare and Development, agtultuloy ti pannakaipaayda ti psychosocal support para kadagiti ubbing iti Banga National High School iti South Cotabato.
Inpaganetget ni Department of Social Welfare and Development (DSWD) spokesperson Irene Dumlao ti kinapateg ti guidance wenno ti panangtarabay dagiti nagannak para kadagitoy nga isyu.
