LAOAG CITY – Nagun-od ni Carlos Yulo ti umuna a gold medal ti Pilipinas iti 20th Asian Games kalpasan nga nagkampeon daytoy iti men’s floor exercise final ita nga aldaw ti Huebes, Setiembre 24 iti Nagoya City General Gymnasium.
Nakairekord ni Yulo ti 14.666 tapno magun-od ti gold medal kabayatan a silver ken ni Milad Karimi iti Kazakhstan ken bronze ken ni Shoma Tsukiyama ti Japan.
Nakairekord met ti 12.223 a puntos ti kabsatna a ni Karl Eldrew Yulo ken nagleppas iti maikapito a puesto para iti Asian Games debut-na.
Daytoy ti umuna nga Asian Games gold ti pagilian iti artistic gymnastics ken kabaroan a dakkel a balligi para ken ni Yulo, kalpasan ti dua a balitok a medaliana idi 2025 Paris Olympics.
Kabayatanna, adda pay tsansa ni Yulo a nayunan ti medalia iti vault ken parallel bars finals inton bigat, Setiembre 25.
