LAOAG CITY – Pinirmaanen ni Presidente Ferdinand “Bongbong” Marcos Jr. ti absolute pardon para ken ni Mary Jane Veloso.
Ni Veloso, a nagbalin a biktima ti human trafficking, ket nabalud ti nasurok a 14 a tawen iti Indonesia no sadinno nga isu ti immuna a nakaipatawan na ti dusa a patay sakbay a naisalbar iti tulong ti apela ni dati a Presidente Benigno Aquino III ken ni Indonesian President Joko Widodo.
Kalpasan ti naunday a negosasyon iti nagbaetan ti dua a pagilian, balligi a nakasubli iti Pilipinas idi Disyembre 2024 ken temporaryo a naikabil iti Correctional Institution for Women iti Mandaluyong.
Iti babaen ti naipaay nga absolute pardon, naan-anayen a naikkat ti pannusa a mangipaay kenkuana ti wayawaya ken gundaway a makadenna manen ti pamilya na.
