LAOAG CITY – Kalikagom ni Presidente Ferdinand Marcos Jr. a maitultuloy ti imbestigasyon mainai kadagiti maanomalya a flood control projects ditoy pagilian.
Daytoy ti inrakurak ni Palace Press Officer Claire Castro iti maysa a press conference a naiyuswat iti Mariano Marcos State University iti Batac City, Ilocos Norte.
Segun ken ni Castro, ti ikarkararag ni Presidente Marcos Jr. ket uray saan ton nga isuna ti presidente ti Pilipinas ket itultuloy latta koma ti sumublat kenkuana ti agimbestigar mainaig iti nasao nga isyu.
Inpalagip ni Castro a basar iti imbestigasyon ket nangrugi dagiti maanomalya a proyekto idi 2016 ken adda ti panangadmitir idi ni dati a Presidente Rodrigo Duterte a naduktalan na dagiti nasao nga isyu ngem awan ti panagpaimbestigar na.
Inpetteng na a ni laeng Presidente Marcos Jr. ti kakaisuna a nangidaulo ti pagilian a nakaaramid ti nangpaimbestigar kadagiti maanomalya a proyekto uray kaipapanan daytoy nga ado dagiti madalapos na.
Innayon ni Castro nga iti babaen ti liderato ni Presidente Marcos Jr. ket adon dagiti sanikua a naipa-freeze, adon dagiti nabalud ken adda payen dagiti aglemlemmeng a maipagarop nga adda ti pannakainaig na kadagiti maanomalya a proyekto.
