LAOAG CITY – Nakatutoken ti atension ni Alex Eala iti Asian Games idiay Aichi-Nagoya kalpasan ti nasapa a pannakatennagna iti torneo ti Singapore Open.
Agturongen ni Filipina tennis star idiay Aichi-Nagoya kalpasan ti pannakaaabaakna kontra ken ni Tatiana Prozorova ti Russia iti iskor a 6-4, 5-7, 3-6, iti round of 16 idiay OCBC Arena Center Court.
Para ken ni Eala, ti pannakaabakna ket resulta ti proseso ken leksion sakbay ti panangrugina iti Asian Games campaign-na inton Dominggo.
Iti baet daytoy, agsubli ni Eala iti Asian Games kas top-100 player ken kadakkelanan a competitor, a mangted kenkuana ti naidumduma a perspertive kumparar iti umuna a gundaway a nagay-ayam daytoy iti Asian Games idi tawen 2023, no sadinno naalana ti bronze medal iti women’s singles kalpasan ti pannakaaabakna ken ni Qinwen Zheng ti China iti quarterfinals.
