LAOAG CITY – Temporario a nawaya-wayaan ni Lakambini “Lakam” Chiu kalpasan ti panag-post-na ti P5.6 million a piansa babaen ti surety bond kalpasan ti arraignment-na iti Quezon City court idi Huebes, Setiembre 24.
Kinumpirmaran ti Bureau of Jail Management and Penology (BJMP) ti pannakaruar ni Lakam manipud iti Quezon City Jail Female Dormitory.
Mainaig iti daytoy, saan a personal a nagatendar iti korte ni Lakam para iti arraignment-na.
Nupay kasta, segun iti abogadona a ni Atty. Dominic Solis, nagatendar ti kliyentena babaen iti video conferencing.
Maipalagip a naarestar ni Lakam iti babaen ti warrant of arrest para iti 124 counts ti qualified theft nga impila ti kabasatna a ni Kim Chiu gapu iti akusasion a panangi-withraw ni Lakam ti agarup P44.4 million a corporate funds ti kumpanyada para iti personal nga interesna.
