LAOAG CITY – Inaprubaranen ti Department of Transportation (DOTr) ti panagngato ti plete kadagiti agpasada a lugan.
Basar ken ni Transportation Secretary Giovanni Lopez nga epektibo daytoy inton Lunes, Setiembre 28.
Nangibasaran pay daytoy ti rekomendasion ti Land Transportation Franchising and Regulatory Board (LTFRB) nga ikkatenen ti suspension ti pannakaipangato ti plete a nangrugi idi Marso 2026.
Kuna pay ti sekretario a panawenen ti panagngato ti plete tapno maaddaan ti umdas a bilang dagiti agpasada a luglugan iti kalsada.
Iti babaen ti naaprubaran a panagngato ti plete nga agbalin a P14 ti minimum fare manipud iti dati a P13 iti umuna nga uppat a kilometro nga adda kanayonan a P2 iti kada kilometro.
Malaksid itidaytoy, kadagiti modern jeepneys ti minimum fare ket agbalin a P17 manipud iti P15 nga adda kanayonan a P2.40 iti kada kilometro.
Kabayatanna, binalakadan ni Lopez dagiti driver nga ipatungpal ti 20% a discount kadagiti estudiante ken kadagiti senior citizens.
