LAOAG CITY – Inlawlawag ni Dra. Princess Guiranod ti Philippine Pediatric Society, ken maysa a Child Protection Specialist, nga awan ti maysa a rupa ti kinadamsak.
Gapu iti daytoy, kunana a kasapulan ti panagbalin nga observant wenno managpaliiw dagiti nagannak wenno guardian iti maaw-awagan ti tallo a “C”.
Umuna ket ti Change wenno panagbaliw, no sadinno a kasapulan nga obserbaren ti panagbalbaliw iti garaw ti ubing, kas koma no dati ket naragsak ngem bigla a nagbalin a naulimek.
Maikadwa ket ti Communication, a no dadduma ket adda ti ibagbaga ti anak a saan unay a dengdenggen wenno ikaskaso dagiti nagannak.
Maikatlo ket ti Context, napateg a supportive ken appropriate ti aglawlaw nga adda iti ubing, amwen no na-expose dagitoy kadagiti dakes nga elemento wenno content iti internet.
Inpalagip ni Dr. Guiranod a saan a maliklikan ti agbalin a napaidam dagiti ubbing no dadduma kas ti panagpupuk iti kwarto, nauyung kadagiti nagannak, no sadinno a tumataeng met dagiti nagannak iti “authority structure” a kayatna a sawen ket dagitoy laeng ti dengdenggen dagiti annak, ngem inbalakad ti eksperto a rumbeng a dumngeg met dagiti nagannak kadagiti annak.
