LAOAG CITY – Natay ti 12 a tattao idinto a 30 a sabsabali pay dagiti nasugatan iti napasamak a suicide bombing iti maysa a police checkpoint iti northwestern Pakistan.
Napasamak ti insidente iti Dera Ismail Khan district iti Khyber Pakhtunkhwa province.
Kalpasan ti panagbettak ket nakangngeg pay dagiti otoridad ti nagsasaruno a putok ti paltog.
Inbatad ni Police chief Safdar Baloch a kaadoan kadagiti natay ket dagiti security personnel ken dagiti tattao a dumaldalyasat iti lugar.
