LAOAG CITY –Inyuswat ti Department of Labor and Employment (DOLE) ti SkillPass, a maysa nga skills certification program para kadagiti benepisiario ti Tulong Panghanapbuhay sa Ating Disadvantaged/Displaced Workers (TUPAD).
Gagem daytoy nga aramiden a dokumentado nga skills ken certifications ti temporary work experience dagiti TUPAD beneficiaries tapno mausar iti panagsarakda ti trabaho, panagpatakder ti bassit a negosio, panagplikar iti sabali a pagilian wenno kanayonan a technical training.
Maiparuk-at ti SkillPass cetification iti uneg ti 15 nga aldaw kalpasan ti TUPAD engagement. Dumalan pay dagiti benepisiario iti profiling ken job matching a kadwada ti TESDA ken Public Employment Service Offices (PESO).
Pakairamanan kadagiti prayoridad a trabaho ket ti digital services, green construction, agriculture, care work, food service, transport ken equipment maintenance.
Mainaig iti daytoy, adda met ti tallo a track ti programa, a pakairamanan ti Dagat Skills and Services, Isda Skills and Production, ken Blue Enterprise Development para iti panagpatakder ti bassit a negosio.
