LAOAG CITY – Namnamaen ti Department of Health wenno DOH ti delivery dagiti vaccines, pakairamanan dagiti kontra iti flu ken HPV, inton Oktubre kabayatan dagiti delays.
Daytoy ti inbatad ti budget sponsor, Bataan 2nd District Representative Albert Garcia.
Kunana a ti delay iti procurement wenno ti panaggatang ti vaccines ket gapu iti panagbaliw ti mangidadaulo.
Innayonna, idi Setiembre 24, awan pay suplay ti ahensia ti flu vaccines, HPV vaccines ken dadduma a partikular nga agas para iti mental health.
Maipalagip a nadutokan ni Dr. Edwin Mercado kas Department of Health idi August ken sinukatanna ni Dr. Jose Pujalte Jr.
