LAOAG CITY – Napilaanen ti kaso kontra iti kapitan ti nauram a barko a MV June Aster kagiddan ti naikeddeng nga salvage operation iti kabaybayan a sakop ti Coron, Palawan.
Segun ken ni Philippine Coast Guard Spokesperson Commodore Noemie Cayabyab, ipaimadan iti proper forum ti panagdur-as ti legal charges.
Immunan iti daytoy, rumrumuar iti imbestigasion ti Enforcement Service ti Maritime Industry Authority (MARINA) a ti kangrunaan a rason ti uram iti barko ket ti saan nga umno a panag-store wenno panagidulin dagiti flammable cargo.
Maipalagip a nauram ti barko idi Setiembre 9, 2026 a nakatayan ti 77 nga indibidual.
Basar ken ni Maritime Industry Authority (MARINA) Region IV Regional Director Bañares Jr., naamoan nga addo ti karga a flammable wenno dagiti alisto a mauram ti barko nga saan kuma rumbeng a mailugan iti agpada a barko dagiti pasahero.
Kabayatanna, adda pay dadduma nga agtultuloy nga imbestigasion dagiti eksperto gapu iti dadduma a resulta ti pannakauram ti barko.
