LAOAG CITY – Inpakaammo ni Mr. Victor Dabalos iti Provincial Environment and Natural Resources Office a dagiti plastic a basura ditoy probinsia ket napintas ti pannakaimanihir na.
Segun kenkuana, maibasar iti panagmonitor da kadagiti nagduduma a lokal a gobierno ket nagbalinda nga istrikto a rason a bimmassit pay dagiti residual waste.
Inlawlawag na a no ma-segregate dagiti marunot ken dagiti recyclable ket bassit ti basura.
Malaksid iti daytoy, saan laeng a ditoy probinsia ti mamonmonitor no di ket dagiti Local Government Units iti intero a pagilian.
Immunan a naireport a ti Pilipinas ket number 1 a contributor ti plastic garbage kadagiti baybay ngem patien na a saan amin a basura ket aggapo ditoy Pilipinas no di ket dagiti dadduma ket aggapo iti sabali a lugar.
