LAOAG CITY – Naduktalan iti panagadal a dagiti ubbing nga addaan t bukod a cellphone iti tawen a 12 ket dakdakkel ti posibilidad na a maka-develop ti sintomas ti eating disorder no ikompara kadagiti awan ti gadget na.
Daytoy ket maibasar iti naisayangkat a survey iti agarop 9,000 adolescents iti intero nga Estados Unidos.
Inlawlawag ni Dr. Jason Nagata, ti nangidaulo iti panagadal, ad-adda nga agpokus dagiti ubbing iti panagusar ti cellphone imbes a ti pannangan da iti umiso nga oras no sadinno a makaapektar pay iti panagug-ugali da.
Gapu iti daytoy, inbalakad na kadagiti nagannak a napateg ti naan-anay a panangkita a ti panangipaay ti gadget kadagiti annak ket saan laeng a maipapan iti device ngem mangbaliw kadagiti ubbing gapu kadagiti makitkita da a nagduduma a content ken nakaro a pannaka-expose da iti digital world.
