LAOAG CITY – Inbutaktak ni Patrick Garcia iti babaen ti maysa nga interview mainaig iti isyu ti maipagarup a tinallikudanna ti dati na a girlfriend a ni Jennelyn Mercado idi panawen a masikog daytoy.
Malaksid iti anakda ken ni Mercado a ni Jazz, adda pay uppat nga anak ni Garcia iti asawana a ni Nikki Martinez.
Kunana a dakkel a pannubok para kenkuana ti panangtaripato ken ni Jazz gapu ta saan daytoy agtalinaed iti dennana.
Manipud idi 2021, inbatadna a namin-adu a daras a nakikomunikar daytoy iti aktres ngem awan ti aniaman a sungbat ti naawatna.
Inlawlawagna a ti panangibutaktakna mainaig iti isyu ket gapu dagiti pabalaw wenno tubngar a naawat ti anakna a ni Michelle.
Maipalagip nga adda nagtaud nga isyu idi masikog ni Jennelyn a saan ni Garcia ti ama ti ubing isu napilitan daytoy nga umadayo.
Manipud idin, adda saan a pagkainnawatan ken naputed ti komunikasion ken ti sustenso gapu ta awan ti anakna iti dennana.
Inpaganetgetna a saan daytoy a nadakes a tao kas ti ibagbaga ti addo a tao isu a saan nga umno a bagaan daytoy ti nadakes.
