LAOAG CITY – Natamaan ti kimat ti maysa a babai kabayatan ti panagawidna a nakalugan iti motorsiklo iti maysa a kalsada idiay Vietnam.
Agawid paylaeng manipud ti trabaho-na ti babai a naawagan ti Mrs. T, agtawen 33. Idinto a natamaan ti kimat gapu iti dakes a panawen ken nag-collapse iti kalsada.
Makita iti maysa a video no sadinno natamaan ni Mrs. T ti kimat ken nagpaigid sakbay a natulid.
Kabayatanna, insigida a naitaray iti kaasitgan a medical facility ti babai ken naipaayan ti first-aid. Idinto a na-diagnose iti brain hemorrhage ken naiyakar iti Xuyen A Duc Hoa General Hospital para iti naan-anay nga specialized treatment.
Naamoan a nakapasar ti babai ti cardiac arrhythmias, first ken second-degree burn, sugat ken dadduma pay.
