LAOAG CITY – Nagun-od ni Alexandria Enriquez ti silver medal iti 20th Asian Games ita nga aldaw ti Sabado, Oktubre 3, kalpasan a naabak ken ni Orapa Senatham iti Thailand iti women’s -63kg class in jiu jitsu.
Ninamnama a magun-od ni Enriquez ti maikalima balitok ti Pilipinas kalpasan iti napintas a taray gapu ta nagballigi iti napalabas nga ay-ayamna.
Nupay kasta, napaay ni Enriquez gapu iti panakaabakna iti Thailand player.
Kabayatanna, napaay met ti maysa a Filipina a ni Andrea Lao iti saan a pannakagun-od ti bronze kalpasan a naabak daytoy ken ni Narankhishig Baasanjargal iti Mongolia iti 0-2 iti repachage.
Ti Pilipinas ket adaan ti dua a medalia manipud iti jiu jitsu, silver ken ni Enriquez ken maysa a bronze babaen ken ni Kaila Napolis.
