LAOAG CITY – Balligi a nairubwat ti National Basketball League wenno NBL Youth Ilocos Norte iti dakkel a mall ditoy siudad ti Laoag.
Segun ken ni Mr. Ed Daquiaog ti NBL Director a binukelda daytoy nga aktibidad gapo ta kayat na matulongan dagiti aspiring basketball players ditoy probinsia gapo ta isuna ket tubo ditoy probinsia ken maysa a Philippine Basketball Association wenno PBA player.
Mamati daytoy nga adu dagiti indibidual partikular kadagiti agtutubo nga adaan ti potensial nga agbalin a basketball player nga umadang iti nasional
Mainaig iti NBL Youth, nagudwa-gudwa daytoy iti nagduduma nga age category kas ti 21 under, 18 under, 14 under, 12 under ken 10 under.
Naamoan a dagiti nakipaset ket aggapu iti nagduduma a local government units, pagadalan ken ti dadduma ket addaan ti basketball team nga adda ditoy probinsia.
Kabayatanna, saan kas dagiti sabal a kompetision, saan a cash prize wenno kuarta ti premio no di ket ti panagbalin kas mangibagi iti Ilocos Norte iti NBL Youth finals inton Disiembre.
