LAOAG CITY – Impatungpal ti Bureau of Internal Revenue (BIR) iti intero a pagilian ti Enhanced Accounts Receivable Management System (eARMS), maysa a baro a digital platform tapno mabantayan dagiti delinquent tax account.
Nangrugi ti nationwide rollout ti Enhanced Accounts Receivable Management System eARMS idi Setiembre 21, 2026, kalpasan ti pannakaiparuk-at ti BIR Memorandum idi Setiembre 14, 2026.
Nasukatan ti baro a web-based system a dati nga Accounts Receivable Management System (ARMS) iti salinong DARES reform agenda ti ahensia, partikular kadagiti parayoridadna a Digital and Data Transformation ken Revenue Collection and Base Protection.
Segun ken ni BIR Commissioner Charlito Martin R. Mendoza, babaen ti eARMS ket agbalin nga epektibo ti listaan ti koleksion ti buwis, no sadinno ti nasao nga Enhanced Accounts Receivable Management System ket alistona a makita ken mabantayan dagiti saan pay a nabayadan a buwis ken tapno matulungan dagiti taxpayer a makita dagiti obligasionda.
