LAOAG CITY – Kwinestionaran ni Senator-Judge Panfilo “Ping” M. Lacson ti sales ken taxable income ti dua a kumpanya a maisilsilpo ken ni Vice President Sara Duterte-Carpio.
Kiniddaw ni Lacson iti Bureau of Internal Revenue (BIR) a mai-reconcile ti nairekord a total sales ti GenCorp Industries Inc. nga agdagup ti P520,670,653 idi tawen 2025 nga addaan daytoy ti tax a P777,093 ken authorized capital stock a P5 million ken net income after tax a P3,057,535.
Mainaig iti daytoy, kalikagum ni Lacson a makita ti computation ti 2% of Gross Income after deducting the cost of goods sold from the total sales-na.
Iti salinong ti linteg iti panangipataw ti buwis, ti minimum corporate income tax (MCIT) ket masansan a katukad ti 2% ti gross income ti maysa a korporasion. Mangrugi daytoy a maipataw iti maika-uppat a taxable year kalpasan ti tawen a nangrugi ti operasion ti kumpanya, no daytoy ket nangatngato ti MCIT wenno minimum corporate income tax-na kumparar iti regular corporate income tax.
Kabayatanna, dinakamat ni Garcia-Marquez iti impeachment trial nga umabot iti P406 million ti cost of sales ti GenCorp ken sumurok-kumurang P114 million ti gross income-na daytoy.
Malaksid kadaytoy, kwinestionaran pay ni Lacson ti Cale88 Foods Corp., nga addaan ti authorized capital stock a P2 million ngem ti laeng nadakamet a pakabukelan a naglakoan ket P208 million sipud idi tawen 2022 agingga 2025.
Dinakamatna nga idi tawen 2024, umabot iti P150.7 million ti pakabukelan a naglakoan ti Cale 88 ngem nagdeklarar daytoy ti negatibo a taxable net income a P6.128 million.
