LAOAG CITY – Nagsuot ti Spider-Man costume ti ginasut a Marvel fans iti New York Comic Con para iti attempt-da a maburak ti Guiness World Record.
Ti event ket inorganisar ti kompania a Jawares iti collaboration iti Disney Consumer Products no sadinno ginandat a maburak ti Guiness World Record para iti “largest gathering of people dressed as Spider-Man.”
Kabayatanna, saan pay inparuk-at dagiti organizer ti opisial a biling iti event ken pinasingkedanda a ti final tally ket kurang pay ngem iti agdama a rekord a 685 a partisipante.
Naamoan a ti agdama a rekord ket insayangkat iti Sony Pictures Entertainment Malaysia idi 2023 kas panangselebrar ti theatrical release ti Spider-Man Across the Spider-Verse.
