LAOAG CITY – Inbatad ni Presidente Ferdinand Marcos Jr. a ti alegasion a nakaawat ti pondo manipud iti China ti maysa a kompania a maikonkonektar ken ni Vice President Sara Duterte ket possible a mangitunda ti national threat iti seguridad iti kangatoan a lebel no mapaneknekan a pudno.
Maipalagip nga iti impeachment trial kontra iti Bise Presidente, kinumpirmaran ti Anti-Money Laundering Council (AMLC) a maysa a kompania nga adda koneksion na ken ni Vice President Duterte ken ti asawana a ni Manases Carpio ket nakaawat ti P319 million manipud iti China ken Hong Kong.
Inpaganetget ti Presidente a ti pondo nga aggapu iti China ket makalaarma unay a paset ti isyu gapu ta mabalin daytoy nga agbalin a paset ti national security.
Nupay kasta, mangnamnama ni Marcos a mapaneknekan nga awan ti kinapundo dagiti nadakamat nga alegasion kontra iti bise presidente.
