Nagun-od ti maysa a kabalyo idiay Ohio ti Guinness World Record gapu iti kinaatiddog ti iposna nga umabot iti 13 a kadapan ken 6 a pulgada.
Ti kabalyo a napanaganan ti Jenny, ket taraken da Mackenzie Lowe ken Rachel Estes iti Ohio.
Segun ken ni Lowe, ti kabalyo ket regalo kenkuana iti maika-13 a kasangay na idi 2019.
Inbatad na nga idi maited kenkuana ti kabalyo ket atiddogen ti iposna ngem inpagarop na a gagangay laeng daytoy.
Ni Jenny ket American saddlebred, no sadinno a mabigbig dagitoy a klase ti kabalyo nga atiddog ti iposda.
Inpakaammo ni Lowe a naartapan ti kabalyo da ti dati a rekord a 12 a kadapan ken innem a pulgada para iti kaatiddogan ti iposna na iti lubong.
