LAOAG CITY – Nagballaag ti Department of Health (DOH) iti publiko iti naal-alisto a mabangles dagiti taraon gapu iti ad-adda a napudot a panawen gapu iti El Niño, a manamnama nga agpaot agingga inton umuna a paset inton sumaruno a tawern.
Binalakadan py ti ahensia ti publiko a siguradoen a nadalus ti danum nga usaren iti panagbuggo ti taraon, ima ken dagiti ramit.
Malaksid iti daytoy, ginutigotda pa ti publiko a pabureken ti mainum a danum no saan a sigurado a nadalus daytoy.
Basar iti ahensia, masapul a kaluban wenno ibusen nga insigida dagiti naluto a taraon ken iliklik dagitoy iti pudot dapno maliklikan ti panag-adu ti bacteria.
