Inbatad ni Dr. Alan Taylan, Internal Medicine iti St. Camillus De Lellos Hospital ditoy ciudad ti Laoag, nga adda met ti pagsayaatan iti water filtration system ti Department of Social Welfare and Development (DSWD) para iti panagurnong ti danum manipud iti tudo no sadinno a 99.99% ti matay a bacteria.
Kunana a ti danum manipud iti tudo ket mabalin a dalusan babaen ti water filtration system.
Nupay kasta, adda ti limitasion iti panagusar iti nadakamat a filtration kit, kas ti danum manipod iti layus ket saan a mabalin nga inumen uray usaren ti water filtration system gapu ta nangato ti kontaminasion na.
Mainaig iti demonstasion ti Departmnet of Social Welfare and Development, inbatad na nga adda dagiti saan nga inlawlawag ti ahensia kas ti kapatgan a limitastion ti ramit, a pakairamanan ditoy ti danom nga aggapu iti layos wenno dagiti stagnant’water wenno dagiti saan nga agay-ayos a danum gapu ta dakkel ti posibilidad na a nangato ti kemikal a nailaok kadagitoy.
Inpaganetget na a ti nadakamat a filtration ket temporario laeng ti pannakausar na aglalo no awan pulosen ti namnamaen nga usaren a danum.
Dinakamat na pay a no bumaybayag ket mabalin a saan a ma-filter wenno maikkat ti ramit dagiti amin a mikrobio ken bacteria iti danum a mangitunda iti sumagmamano a sakit kas ti diarrhea.
Kabayatanna, inrekomendar ni Doctor Taylan a napinpintas no umuna nga ipaburek ti danum sakbay nga i-filter tapno nadaldalus nga inumen.
