Maragsakan ni Atty. Ferdinand Ignacio, iti nagbalin a desisyon ti Office of the Ombudsman a pannakasuspenso ti 90 nga aldaw iti Mayor iti ili ti Paoay.
Segun ken ni Ignacio, nagpila ti reklamo nga abuse of authority ken grave misconduct kontra iti nasao a Mayor idi 2014 gapu iti maipagarup a panangdadael da iti nagan na iti panawen ti eleksion.
Inbatad na nga idi indanun na ti isyu iti nasuspenso a mayor pakaseknan iti reklamo na iti maysa nga indibidual a naglabsing iti re-appointment a simmubra ti tawen ti panagserbi na ket maipagarop a saanna nga inpaayan ti naan-anay nga atension gapu iti napalabas a susikda.
Gapu iti daytoy, nagturong ni Atty. Ignacio iti Office of the Ombudsman idi Oktubre 2024 tapno agpila ti reklamo nga abuse of authority ken grave misconduct kontra iti Mayor.
Nupay kasta, iti inparuk-at a desisyon ti Ombudsman, awan ti nalawag nga ebidensya mainaig iti kaso ti mayor nga abuse of authority ken grave misconduct isut gapuna a naibasura dagitoy.
Iti baet daytoy, iti pannakatingiting dagiti reklamo ket naduktalan nga adda ti sungsungbatan ti mayor ngem daytoy ket para laeng iti simple misconduct a ti kaibatugan a pannusa iti daytoy ket 90 nga aldaw a pannakasuspenso.
