LAOAG CITY – Nagkari iti South Korea nga agsubbot daytoy no itungpal ti North Korea ti pangtana a papigsaen ti militar posture-na iti border a nangitunda ti tension iti Korean Peninsula.
Basar iti maysa a rakurak, inpeksa ti Defense Ministry ti Seoul ti danagna mainaig iti pangta ti Pyongyang a mangi-deploy ti kanayonan a ‘tactical strike weapons’ iti paset iti border ken ituloy ti loudspeaker broadcast nga agturong iti abagatan.
Gapu iti nagsinnumbangit a pangta, posible daytoy a mangitunda ti riribok iti paset iti border ken mangdadael iti nabukel a diplomasia nga aramid ti South Korean President Lee Jae Myung inton agtugaw daytoy iti puesto.
Inbatad ti ministry a dagiti broadcast ken warning shots iti South Korea iti asideg ti Military Demarcation Line (MDL) ket maysa a ‘legitimate defensive measure” a gagemna ti mangprebentar ti panaglasat ken puersaen ti tropa ti North Korea a limmabes iti border line nga ag-withdraw.
