LAOAG CITY – Nangiparuk-at ti ladawan ti North Korea ti liderda a ni Kim Jong Un tapno kontraen dagiti nagwaras a damag a pimmusay daytoyen.
Makita iti nadakamat a ladawan a bimmisita ti North Korean Leader iti maysa a cloting ken footweat exhibition iti Pyongyang idi Oktubre 19.
Basar iti Yonhap, ti Korean Central News Agency a kadua ni Kim Jong Un ti asawana a ni Ri Sol Ju ken ti anakna a ni Kim Ju Ate.
Karaman pay iti naipakita ti panagbisita ti North Korean leader iti maysa a museum idi Oktubre 11.
Immuna a nagwaras iti nagduduma nga online platform ti damag a maipagarup a pimmusay ni Kim Jong Un kalpasan a saan daytoy nagpakita iti publiko ti sumagmamano a lawas.
