Umaboten iti 205,347 ti kaso ti dengue a nairekord iti Pilipinas manipod Enero 4 agingga iti Oktubre 14, 2026.
Segun iti Department of Health (DOH), nababbaba daytoy ti 22% no ikumpara iti 261,749 a kas a nairekord iti kapada a panawen idi 2025.
Inbatad ti Department of Health a nagtalinaed a nababa ti alerto ken epidemic thresholds ti dengue cases iti intero a pagilian sipud nangrugi ita a tawen, nupay 11 a probinsya ken highly urbanized cities iti siyam a rehiyon ti nakakitaan ti localized increase.
Manipod Setyembre 17 agingga iti 30, addabn ti 22,095 a kaso ti nairekord, apagapaman a nababbaba ti 2% iti 22,479 a kaso idi Setyembre 3 agingga iti 16.
Nagtalinaed met a 0.38% ti case fatality rate ti dengue iti Pilipinas.
