Arigna pelikula ti umuna a match iti panangrugi ti 2026-2027 NBA Regular Season ita nga aldaw kalpasan a nakaaramid ti Detroit Pistons ti naimballigian a comeback kontra iti Boston Celtics.
Pinukaw ti Pistons ti 22-point deficit nagun-od a ti 8-point win iti panagleppas ti laban iti iskor a 121-113.
Iti panagngudo ti halftime, iggem paylaeng ti Boston ti 13-point lead, iti iskor a 58-45, iti panangidaulo ti forward ti team a ni Paul George.
Nupay kasta, alisto a napukaw ti double-digit lead ti Boston gapu ta naan-anay a naipababa iti innem a puntos iti panagleppas ti 3rd quarter.
Iti pannakaabak ti Boston, nalimitaran laeng ni Jayson Tatum iti innem a field goals manipod iti 23 a naaramidan na iti panagleppas ti laban, ti laeng 13 points ti kinabaelan na nga intulong.
Nagbalin a napintas ti debut ni George iti Celtics ken nakaaramid ti 38 points iti uneg laeng ti 31 a minuto ti ay-ayam.
Para iti winning team, agpapada a nakaaramid ti 20-point performance dagiti baro Pistons a da Cade Cunningham, Duncan Robinson, ken Jalen Duren.
Nagbalin a dakkel a tulong met ti 19 points nga inserrek ti bench a ni Javonte Green a nagay-ayam laeng iti uneg ti 17 a minutos.
Dayto ti umuna a panangabak ti Pistons ken umuna a pannakaabak ti Boston ita a season.
