Immapela ni Senate Finance Committee Chairperson JV Ejercito iti Kamara de Representantes a saan nga ibabawi ti bersion ti naisingasing a P7.2 trilyon a national budget para iti 2027.
Daytoy ket kalpasan nga agpannawagan ti Makabayan bloc iti Kamara nga ibabawi ti naaprobaran a naisingasing a national budget kageddan ti desision ti Korte Suprema a panaglabsing iti Konstitusion ti sumagmamano a probision kadagiti national budget para iti 2024, 2025 ken 2026.
Segun ken ni Ejercito, madanagan daytoy a saan a maipasa ti national budget sakbay a malpas ti tawen no ibabawi pay ti Kamara ti nasao a singasing.
Mainaig iti daytoy, namnamaenna ti pannakaresolbar iti bicameral conference committee wenno Bicam kadagiti nagdudumaan iti bersion ti budget ti Senado ken Kamara.
