Impasigurado ti Department of Trade and Industry (DTI) a ti presio dagiti agarup 204 a kangrunaan a masapol ket agtalinaed agingga ti panagngudo ti tawen kas nagtutulagan kadagiti manufacturers ken retailers.
Segun ken ni Trade Secretary Cristina Roque, immanamong dagiti pribado a sektor a pagtalinaeden ti presio ti stock keeping units (SKUs) wenno dagiti produkto babaen ti Department of Trade and Industry (DTI).
Mainaig iti daytoy, nag-suhestion ti Department of Trade and Industry (DTI) ti retail prices kadagiti basic necessities kas ti canned sardines, gatas ken coffee products, bread, instant noodles, salt, bottled water, detergent ken laundry soap, ken kandela.
Pakairamanan pay ditoy dagiti luncheon meat, meat loaf, corned beef, beef loaf, condiments, toilet soap, ken batteries.
Kabayatanna, mangiparuk-at ti Department of Trade and Industry (DTI) ti abiso mainaig kadagiti Noche Buena Items sakbay ti holiday season kabayatan ti pannakakikoordinar ti gobierno kadagiti pribado a sektor.
