Impakaammo ni Shiela Marie D. Sapaden, ti Bureau of Jail Management and Penology (BJMP) nga agtultuloy ti pannakaisayangkat dagiti nagduduma a recreational activity para kadagiti Person’s Deprived of Liberty wenno PDLs.
Daytoy ket kas paset ti National Correctional Consciousness Week a maselebraran iti maudi a lawas ti bulan ti Oktubre nga addaan ti tema a “Makataong Paglilingkod, Makabuluhang Rehabilitasyon, Pagbabagong may Layunin.”
Segun ken Sapaden dagitoy ket pakairamanan dagiti aktibidad kas ti basketball, cheerdance, volleyball ken dadduma pay recreational activities.
Mainaig iti daytoy, maselebraran pay ti maika-39 Prison Awareness Week nga idauloan ti St. Williams Cathedral, a maisayangket met dagiti aktibidad para kadagiti Person’s Deprived of Liberty wenno PDLs kas koma ti nasantoan a misa, panagkonfesar, feeding program, ken gift giving.
